Dutton Corpus

SA8 Contents

Related witnesses for SA8-82

[ID3432]SA8-82(249r-249v)(4, 4x8)

Serrana

por todos eſtos pinares
nin en val de la gamella
non vi ſerrana mas bella
que menga de mançanares
5deſçendiendol yelmo a yuſo
contral boualo tirando
en eſe valle de ſuſo
vi ſerrana eſtar cantando
ſaluela ſegund es vſo
10e dixe ſerrana eſtando
oyendo yo non meſcuſo
de fazer lo que mandares
Reſpondiome con ufana
bien vengades cauallero
15quien vos traye de mañana
por eſte valle ſeñero
ca por toda aqueſta llana
yo non dexo andar baquero
nin paſtora nin ſerrana
20ſino paſqual de buſtares
Pero ya pues la ventura
por aqui vos ha traydo
convien en toda figura
ſin ningun otro partido
25que me dedes la çintura
o entremos a braz partido
ca dentro en eſta eſpeſura
vos quiero luchar dos pares
deſque vi que non podia
30partirme dalli ſin ſaña
como aquel que non ſabia
de luchar arte ni maña
con muy grant malenconia
armele tal guadramaña
35que cayo con ſu porfia
çerca dunos tomellares.