Dutton Corpus

TP1 Contents

Related witnesses for TP1-11

[ID4339]TP1-11(55r-55v)(3x8, 4)

Otro dezir ſſuyo

Bien penſſe que a ſſalva fe
my coraçon atendia
no penſar mas alegria
pueſ que vos lo ſegure
5el ſiente que lo burle
yo ſiento que ſſe parte
de my triſte que ſyn arte
por my mal lo cabtiue
En poder que no deuiera
10en vuestra triſte priſion
penſando que gualardon
muy mejor de vos ouiera
mas viſta vuestra manera
vuestra infinta eſ la quengaña
15mi triſte que tal mañ(er#)a
nunca vy de perſeguera
“Quien bien ama tarde oluida” [ID8576 Refrán]
“Quien bien ama tarde oluida” [ID8576 Refrán]
eſto non diran por vos
20que ſy me perdone dios
ſy bien ſoys conoſçida
non ſeres en tal tenida
poſſeſſion de bien amar
pues fengis de Razonar
25con ſeſſenta a la vençida
ffin.
Cierto es queſ triſte vida
amar y desamar
por vnos otros trocar
30fingiendo ſer entendida