Dutton Corpus

VM1 Contents

Related witnesses for VM1-26

 
[ID0618]VM1-26(27v)(4, 3x8)

Caruaiales A la princepſa de roſano

ENtre ſeſa et cintura
caçando por la trauieſa
Tope dama que deheſa
pareſcia en ſu fermoſura
5PEnſe que fueſſe diana
que caçaſſe las ſilueſtras
O aquella que la manzana
gano a las biuas nueſtras
Soys humana creatura
10dixe et dixo non con prieſſa
Si ſennor et principeſſa
de roſano por uentura
O Flor de toda belleza
o templo de honeſtidat
15palacio de gentileza
fundamiento de bondat
mi ſententia uos condena
que ſi en aquel templo de baris
uos fallara lynfante paris
20non fuera robada elena
NIn de berſabe dauid
non ſe dexara uencer
nin uſrias tornara en lid
por ſus dias feneſcer
25tanto ſoys de gratia llena
que ſi iuntas uos mirara
muy menos ſe enamorara
archiles de policena