Dutton Corpus

PN1 Contents

Related witnesses for PN1-28

[ID1172]PN1-28(13v-14r)(4x8)

Eſta cantiga#por#alabança#&#loores fizo el dicho alfonſoaluares por alabança & loores delarredundable çibdat de ſeuilla & preſentola en elcabildo & fizo gela cantar con juglares delantelos offiçiales & ellos mandaron le daren aguinando çient doblas de oro por eſtacantiga & dende En adelante de cada añopor cada cantiga otras çiento

Ffuente de grant maravilla
jardyn de dulçe olor
morada de Enperador
rryca fermoſa baxilla
5digan eſto por ſeuilla
trobadores E poetas
pues que ſynos & planetas
lo ſoſtienen ſyn manzilla
En ella los elementos
10agua tierra fuego & ayre
ſon rryquezas & donayre
viçios & abondamientos
loores Enſalcamientos
ſean dados yo lo mando
15al ſancto rrey don ferrando
pues gano tales çimientos
Morar deue En parayſo
quien guerreando comoros
gano tan rrycos teſoros
20& tanta tierra en prouiSo
eſta çibdat que de vySo
ſera en el mundo llamada
la muy bien aventurada
a quien dios bien quiere & quiſſo
25Clarydat E dyſcreçion
eſfuerço E cablerya(!)
grant lynpieza & loçania
mora en ſu poblacioN
pues fazer deue mençion
30todo el mundo en verdat
de tan perfecta çibdat
& de ſu coſtelaçion