Dutton Corpus

PN1 Contents

Related witnesses for PN1-29

[ID1173]PN1-29(14r)(4x8)

Eſta cantiga#por#alabança#&#loores fizo el dicho alfonsoaluarez por alabança & looresdela dicha çibdat de ſeuilla la qualles fizo cantar por nauidat otroaño por la manera ſuſodichacon juglares & los ſeñors ofiçialesmandaron le dar en aguylandootras çient doblas de oroSegunt que las ovo por eſta otra cantiga

Hercoles que hedifico
la çibdat muy poderoſa
ſu alma ſſea gozoſſa
que tal çibdat ordeno
5por ſeuilla demoſtro
en ſu muy alto ſſaber
que ſe avie de noblezer
por julio que la poblo
Con ſſaber E poderio
10eſtos doſſ la ordenaron
& los que en ella poblaron
fue proeza & muy grant brio
viçio & prez & amoryo
lealtança & lindo amor
15ſyenpre byue ſyn pauor
rryberas del ſu grant rryo
Faſta oy non es ſabida
en el mundo tal çibdat
nin avn con tal Propiedat
20de tantos bienes conplida
abondada E guaneçida
de ynfynitos plazeres
lynpieza ſon ſus averes
de loores Baſtezida
25Qualquier noble rrey que tiene
por ſuya tan noble joya
deuenla quien quier lo aya
mucho onrrar que aſſy conuiene
ca quien lealtat Mantyene
30mucho deue a maravilla
ſſer preçiado pues ſeuilla
deſto grant parte le viene