Dutton Corpus

PN1 Contents

Related witnesses for PN1-30

[ID1174]PN1-30(14r-14v)(4x8)

Eſta cantiga fizo alfonſo aluarez a ladicha cibdat de ſeuilla &fizo gela cantar otra nauidatcon juglares

De grant tenpo faſta agora
muchas gentes por fazaña
vos alaban por Señora
delas çibdades de eſpaña
5ſſeuilla gentyl eſtraña
do toda lympieza mora
quien de vos ſe enamora
non tiene enbidia nin ſſaña
Vyſta es Por eſpyrençia
10vuestra infynita abondança
barçelona nin valençia
non ſſon en vuestra egualança
granada con quanto alcança
a vos fagan Reuerençia
15lyſbona ſegunt mi creençia
quita es Deſta ynorançia
Loores Aventajados
avedes E ſyenpre oviſtes
rrycas huertas lyndos prados
20puerto por do en rrequeziſtes
criaſtes E mantuuiſtes
rrycos omnes enſalçados
otros de nobles eſtados
con quien vos enobleçiſtes
25Vuestro alcaçar es llamado
vergel de muy grant folgança
donde amor ffue coronado
& floreſçe ſu alabanC%a
biuen ſo vuestra amparança
30dueñas de grant prez loado
donzellas de alto eſtado
fermoſura ſyn errança