Dutton Corpus

PN1 Contents

Related witnesses for PN1-31

[ID1175]PN1-31(14v)(5x8)

Eſta cantiga fizo el dicho alfonsoaluarez a la dicha çibdat de ſeuilla& fizo gela cantar con juglaresotra nauidat & dieronle otras çientdoblas

Lynda ſyn conparaçion
claridat & luz de eſpaña
plazer & conſolaçion
brioſſa çibdat eſtraña
5el mi coraçon ſe baña
en ver vuestra marauilla
muy poderoſa Seuilla
guarnida dalta conpaña
Parayſo Terrenal
10es el vuestro nobre puro
ſobre çimiento leal
es fundado vuestro muro
onde byue amor ſeguro
que ſera ſienpre enſalçado
15ſy eſto me fuer negado
de maldiçientes non curo
Deſque de vos me party
faſta agora que vos veo
bien vos juro que non vy
20vuestra egual En aſſeo
mientra mas miro & oteo
vuestras dueñas & donzellas
rreſplandor nin luz de eſtrellas
non es tal ſegunt yo creo.
25 En el mundo non ha par
vuestra lyndeza & folgura
nin ſe podrian ffallar
dueñas de tal fermoſura
donzellas de grant meſura
30que en vos fueron criadas
eſtas deuen ſer loadas
en eſpaña de apoſtura

ffin

Vna coſſa que non es
ſy en vos fueſſe ſerya
35mas guarnido vuestro arnes
de plazer & de alegria
que la flor de grant valia
en el mundo enſalçada
ſy fizieſſe en vos morada
40vuestro par Non averya