Dutton Corpus

PN1 Contents

Related witnesses for PN1-49

[ID1192]PN1-49(20r)(4, 2x8, 7...)
(20r)

Eſta cantiga#por#desfecha fizo el dicho alfonſo aluarez por deſfecha deſta otra cantiga

AMor pues que me libraſte
de tan grant tribulacion
yo non ſſe por qual Razon
agora me condenaſte
5Con manzilla & con porfia
en el mundo fueſte aſſy
padeſçer quiero por ty
la mi vyda cada dia
pues que tan Syn alegria
10es triſte mi coraçon
ca ſy es verdat o non
Leal ſeruidor mataſte
Ay amor por tu meſura
diſteme De mantener
15en amar E obedeſçer
penſando en tu fygura
commo que era triſtura
por ty paſſo E paſare
eſperança ſyenpre avre
20en que seruir mandaſte
Eſta lynda me Rogaſte
que ſyruieſſe por Señor
yo non ſſe por que amor
deſtas penas me libraſte
25commo quier que oluidaſte
la merçed que de ty atyendo
Agora yre Diziendo

Falta un verso al final como mínimo.