Dutton Corpus

PN1 Contents

Related witnesses for PN1-51

[ID1194 D 1193]PN1-51(20v)(2, 8x4)

Deſfecha#de#cantiga que fizo alfonso aluares

Byuo ledo con rrazon
amigos toda ſſazon
biuo ledo & ſyn peſſar
pues amor me fizo amar
5a la que podra llamar
mas bella de quantas ſon
Biuo ledo E beuire
pues que damor alcançe
que ſeruire a la que ſſe
10que me dara galardon
Biuo por grant bien de mi
en gozo deſque yo vy
tan gentil Roſſa que aſſy
me puſſo en ſſu coraçon
15 Byuo abondado aſſaz
de rryqueza & de ſolaz
venga guerra o vega(!) paz
eſta amo & Otra non
Biuo ledo por cobrar
20lynda flor que non a par
la qual me quiſo librar
de muerte & docaſyon
Byuo ledo en claridat
deſdeñado çeguedad
25dios padre de piedad
cunpla çedo mi opiñon
byuo ledo & con plazer
Por loar E obedeſçer
a quien me faz atender
30dulçe glorya ſyn baldon
Byuo ledo en glorya tal
que non biue otro mi egual
ſyruiendo commo Leal
donde avre buen galardon