Dutton Corpus

PN1 Contents

Related witnesses for PN1-99

[ID1239]PN1-99(34r)(4x8)

Eſte dezir de arte de maeſtria mayorbien fecho & bien eſcandido fizo & ordenoel dicho alfonſo aluarez contravn eſcudero del condeſtable viejo quedezian ſancho el page por quantoeſtaua bien con el dicho conde & partioſedel & fueſſe a prouar el mundo& non traxo de alla ſaluo vna cuchilladaPor las naryzes

De milan can grant afan
viene agora ſancho el page
balandran de çamoC%an
non ſabemos ſy lo Trage
5como ſage algunt menſaje
traera del Taborlan
ſu lenguage es buen viage
eſto apriſſo nin oſtage
Los que van ſyn capitan
10ſy non lieuan grant fardaje
penaran Pero ſabran
que quiere dezir potage
Regulage con formage
ayan ſy Comieren pan
15quel paſage nin oſtage
nunca gelo So(↑l)taran
A truchan O albardan
o cauallero Saluage
bien le dan de lo que han
20mas ninguno de parage
non trabagen que ſyn gage
nunca fieſta le faraN
por linage nin omenage
muy poco Del fyaran
25 Los que eſtan con ſant julan
& buſcan otro afforrage
andaran Con el C%atan
en baldio Romerage
condenage en mal orage
30ſyn dinero Tornaran
ſyn ſobrage & ſyn plumage
commo fyzo don fulan