Dutton Corpus

PN1 Contents

Related witnesses for PN1-124

[ID1264 R 1263]PN1-124(42r-42v)(3x8, 4)

Eſta pregunta fizo & ordeno el dicho alfonſoaluares de villa ſandino contra eldicho alfonso ſanchez de Jahen en rreſpueſtade ſu dezir que le fyzo el qualdezir va muy bien fecho & muy bien limadoE por ſu arte propria & muy bienguardados los conſonantes del otrodezir ſobredicho fecho por el dichoalfonſo Sanchez

Perlado que afana por ſer omeçida
non deue aver en el mundo loor
en caſa de Rey nin de emperador
mas deue ſu obra ſer aborreſçida
5en caſo que tarda por arte ſu yda
tornar a ſu eſtado ſon frias conſejas
ante vos corten a vos las orejas
que nunca el torne en eſta partida
Por vos non diran de los eſleydos
10de caſa del rrey de ban de magunz
& ya en ſu tienpo don pero feruz
fizo dezires mucho mas polidos
que non eſtos vuestros laydoſ & fallydos
que quien bien catare en cada rrenglon
15fallara ditongos & gaçafaton
& los conſonantes errados perdidos
Non fue perffeta vuestra ymaginança
que non ſe en el mundo ſynple nin letrado
que mas non codiçie del Rey ſer priuado
20que otra Riqueza nin otra folgança
& qualquier que ſygue ſyemple lealtança
biue ſeguro & ſyn eſcureza
& aſy los que uſan mal & crueza
es bien que padeſcan por ſu mal errança
25fynida
El mi poco amigo la vueſtra eſperança
non me pareſçe que ſea prouecho
del Rey nin del rreygno por ende deſecho
& do por ninguna la vuestra ordenança