Dutton Corpus

PN1 Contents

Related witnesses for PN1-173

[ID1313]PN1-173(53v-54r)(4x8, 4)

Eſte dezir fizo alfonſo aluarez a ladicha doña conſtança ſarmiento porquanto le enbio vn preſente de figos

MAdurando van los figos
maguer mucho ſe anublaron
ſegunt oy ſon los amigos
pocos & malos quedaron
5tantos quantos ſſe fallaron
noble dueña ſſyn manzilla
alla van En la çeſtilla
los que los tordos dexaron
Pardales tordos mendigos
10nunca çeſſan nin çeſſaron
deſtroyr Commo enemigos
las coſſas do ſſe criaron
vſſan commo ſyempre vſaron
mal fechores en caſtilla
15“armando la çancadilla” [ID8293 Refrán]
“armando la çancadilla” [ID8293 Refrán]
a los que Dellos fyaron
Non vale çerrar poſtigos
nin rredes que les armaron
20mas buſcando ſſus abrigos
deſpantajos non curaron
comen lo que non ſenbraron
en el canpo E por la villa
& pocos Por marauilla
25deſtos menguan nin menguaron
Diz que dizen los antigos
que las leys ordenaron
que en boca de dos teſtigos
toda verdat apuraron
30dos moços mios juraron
para el dios de bouadilla
que oy en eſta quadrilla
mas figos non alcançaron

finida

Los que la grant mar nadaron
35por ſobir en alta ſſylla
“ſi ſe affogan Al orilla [ID8135 Refrán]
“ſi ſe affogan Al orilla [ID8135 Refrán]
en vano ſſe trabajaron”