Dutton Corpus

PN1 Contents

Related witnesses for PN1-181

[ID1321]PN1-181(55v-56r)(5x9, 5)

Eſte dezir fizo & ordeno el dichoalfonſo aluarez para el dicho ſeñorcondeſtable quando le dio elrrey A ſſant Eſteuan

SEñor non vos enogedes
avnque algunos ſe atreuan
a parlar pues vos tenedes
letuario con que beuan
5lieue la carga que lieuan
vos guardat lo que deuedes
que deſta vez quedaredes
por ſeñor de ſant eſteuan
“muchos de viento ſe çevan” [ID8430 Refrán]
10“muchos de viento ſe çevan” [ID8430 Refrán]
Muchas mas altas merçedes
vos fara non dudo en ello
el alto que obeçedes
confirmadas con ſu ſello
15pues por mi poco cabello
ſeñor non me deſechedes
mas mandat lo que entendedes
que cunple mandar a “tello” [ID8354 Refrán]
que cunple mandar a “tello” [ID8354 Refrán]
20del qual yo non me querello
Señor que ſienpre gozedes
de grant loor mundario
que deſta non oluidedes
a mi pobre & ſolitariO
25que yo juro a mi ſudario
& a dios en quien creedes
que ſienpre me fallaredes
leal ſyn ningunt contrario
non trayo otro viſtuario
30La limoſna que ſabedes
quel Rey me mando fazer
pido vos que ordenedes
commo yo la pueda aver
muy en breue & con plazer
35donde non me paren rredes
ſy non ſeñor ya lo vedes
quel ganar ſerie perder
non ſe puede eſto eſconder
Mas ſy vos me defendedes
40yo ſere Bien Defendido
maguer non vos he ſeruido
en algo vos Seruiredes
de mi con ſolaz que auredes
ſyn enojo & ſyn Roydo
45baſta aſaz lo Repetido
porque cunple non dudedes
ſeñor que me perdones
finida
Neçeſſario es que ganedes
50del Rey alto ennobleçido
vn ſu aluala conpliDo
para con que acabedes
el negoçio & folgaredes