Dutton Corpus

PN1 Contents

Related witnesses for PN1-192

[ID1332]PN1-192(58v-59r)(10, 2x9, 6)

Eſte dezir fizo & ordeno el dicho alfonsoaluarez de villa ſandino para el dichoſſeñor condeſtable ſobre losfechos ardientes del Reyno & quandoſonaua quel Rey nuestro ſſeñor lo fazia ſu condeſtable de caſtilla

ALuaro ſſeñor la gloſſa
que ſe podria gloſar
nin por metro nin por proſſa
non me cuydo aventurar
5a dezir commo & por que
anda turbada la ffe
que yo ſo bien çierto & ſſe
quel vuestro alto cuydar
ſabe todo eſte cantar
10aſonar
Pues vuestra obra es fermoſa
guardada ſin mal penſſar
la grant dinidat onrroſſa
vos la deuedes Cobrar
15ſſy lo veo ffolgare
por que lo Profetize
en Roa do vos falle
preſto por me Conſolar
ſyn burlar
20Que ſeñor non ſe quien oſa
nin oſſando oſſa oſſar
el contrario De tal coſſa
ca bien ſſe Puede mojar
yo no digo nin Dire
25quien es antes Callare
Pero ſſyempre loare
a vos que Deuo loar
& guardar
fynida
30Señor quered vos venbrar(!)
de mi que vos ſyempre ame
& avn vos amo & amare
que en quanto biuo ſere
non vos entiendo dexar
35nin trocar