Dutton Corpus

PN1 Contents

Related witnesses for PN1-196

[ID1336]PN1-196(60r)(2, 4x4, 2)

Eſtribote que fizo & ordeno el dichoalfonso aluarez para el dicho ſeñor condeſtable

GEntil de grant Coraçon
rreyd con tal Repullon
Reyd commo ya rreyſtes
de mis locuras que oyſtes
5plaze me por que uençiſtes
ya a datan E abiron
Por el trono en que ſobiſtes
ſeguiendo el bien que ſiguiſtes
quien ſon ledos o quien triſtes
10echemos ſſeſo a monton
Eſto bien lo mereſçiſtes
pues ſeñor deſque naçiſtes
en alto ſſiempre touiſtes
los ojos commo falcon
15Por el bien que me feçiſtes
ſyn burlar deſque me viſtes
ſabed que me conqueriſtes
por vuestro ſſyn ſer ffollon

finida

Aunque es Caçafaton
20ya vazio es mi bolſon