Dutton Corpus

PN1 Contents

Related witnesses for PN1-215

[ID1355]PN1-215(66v-66r)(3x8, 4)
(66r)

Eſte dezir fizo & ordeno el dichoalfonſo aluarez de villa ſandino parael rrey nuest ro ſeñor ſoplicandole porel & pidiendole pormerçed que le mandaſe daragui\^landoel qual dezir va bien fechopor arte de maeſtria mayor

Dad me ſeñor aguilando
con grant neçeſydat
& a vueſtra alteza demando
que moſtredes piedat
5a mi pobre antiguedat
la qual veo que bien vedes
& avn entiendo que entendedes
qual es metira o verdat
Sy non ſſeñor faſta quando
10durara la crueldat
de la fortuna en (↑que) ando
cubierto de eſcuridat
vuestra Real Mageſtat
Relunbre E rrelunbraredes
15vueſtras obras por que obrades
en mi con grant caridat
Quanto mas vos examinando
vuestra grant Capaçidat
tanto mas fuelgo cuydando
20en la diſcreta Bondat
que vos dio la humanidat
en lo que querer queredes
aſſi es bien que amando amedes
a quien pienſſa en lealtat
25fenida
Alto rrey mi Caridat
conoſçed pues conoſçedes
& podet que bien podedes
dar me gozo & ſanidat