Dutton Corpus

NH2 Contents

Related witnesses for NH2-7

[ID2338]NH2-7(101-102)(101-102)
(101)

Obra fetcha por moſſen auinyopor la viuda de ribas

Ribas ſoys que derribays
Los mas altos coraçones
Derribandols catiuays
Catiuando los matays
5Con eſſos vueſtros falcones
Qui tienen tan grandes manyas
Que toman de los naſçidos
Con platicas muy ſtranyas
De dentro de ſus entranyas
10El querer y los ſentidos
Eran grandes peregrines
y matan y nuncha mueren
y trahen tan dulçes fines
Quelos angeles ſerafines
15Por ellos tomados fueran
Si fueſſen con nueſtra vida
y ſentiren mayor pena
Ca la carnennobleçida
Muy mas ſiente la ferida
20Del golpe quamor ordena
Ordeno mi triſta ſuerte
Conoçer vueſtras beldades
y dan me pena tan fuerte
Que cauſaran la mi muerte
25Con vueſtras honeſtidades
Que no quieren dar luguar
Nin conſienten que os digua
El mal que puede matar
y ſi tengo de callar
30Morire por tal fatigua
(102)
Y ſi muero bien ſeria
por reparo de mi mal
Mas creo non fallaria
Jamas vueſtra ſenyoria
35Seruidor tanto leal
y por non vos offender
Non deſſeo el morir
Mas me plaze padeçer
Sin mis males deſcreçer
40Que perder uos mi ſeruir
Seruida ſereys de mi
Mientr en el mundo yo biua
y ſi tal uos conoſçi
Qual deſſuſo vos nombri
45Por que non ſera catiua
Mi voluntat ſujuzguada
Atanta perfecion
y ſi queda mal librada
De colpa ſera quitada
50Si muere ſin redemcion

ffin

Y por donar concluſion
pueſque ſoys mas ſtimada
y de tan gran condiçion
A mi plaze tal paçion
55Por quamor ſe aver alçada.