Dutton Corpus

SA7 Contents

Related witnesses for SA7-329

[ID2688]SA7-329(158v-159r)(3x8, 4)

Otro deçir Alfonſo Aluareç

Senyora mia loada
Sobre todas quantas vi
Non ſeades contra mi
Sanyoſſa nin ayrada
5Pues la primera uegada
Que uos ui me conquirieſtes
E por vueſtro me tuuiſtes
En preſion muy ençerado
Senyora uida penada
10Ya padeçco e padeçi
Desque de uos me parti
Non tenyendo oluidada
La primera uegada
Que uos a mi vieſtes
15La ioya me prometieſtes
La qual nunca me fue dada
Senyora eſtrella eſmeralda
Deque uos ſieruo e ſerui
Muy grandes penas ſufri
20Por uos ueer de mi apartada
Ffermoſſa auentaxada
Creyo bien que Reçibieſtes
Del ſenyor quando naçieſtes
Donoſa e muy eſmerada
25Senyora muy enſenyada
Pues por vueſtro eſlieſtes
Acorret a quien firieſtes
Con dolçor de vueſtra lança