Dutton Corpus

MH2 Contents

Related witnesses for MH2-9

[ID3076]MH2-9(5r)(9, 10)

Juan aluarez ¶porque le dixo la ſeñora a quienſeruia que hablase en ſeſo

¶diſcriçion de muy grand peſo
por quien tanto mal ſoſtengo
deziſme coſ hable en ſeſo
mas no dezis ſy lo tengo
5ſabed ſeñora de mi
que yo Siempre tuve poco
y en tal punto os conoſçi
porque todo lo perdy
y maues tornado loco
10¶Pues ſy me dezis coſ dexe
no es Razon que lo digays
camor dize que os aquexe
y mis males que me quexe
todo ſienpre que biuays
15ſy queres que de verdad
torne a mi ſeſo y ſentido
vſad agora bondad
torname mi libertad
y pagadme lo ſervido.

A la derecha: \|a.ix